tiistaina, huhtikuuta 17, 2007

Väsynyt

Grámyglulegur þriðjudagur þar sem ég sit í tómri skólastofu hérna í austrinu. Ætti að vera þýða texta um þetta bullshit úr finnsku á ensku en ég er ekki enþá nógu vaknaður til þess. Samt rúmir fjórir tímar síðan ég fór á fætur.
Veðrið síðustu vikuna er búið að vera ansi áminnandi á að sumarið er rétt handan við hornið 15-18 stiga hiti þá kaldir norðanvindar minni en á sig.

Þó ég sakni sjónvarps með viðeigandi sjónvarpsglápi ekki svo mikið.. eða réttara sagt sé muninn á hve mikið meir kemst í verk.. en já þó svo sé hef ég í staðinn verið óvenjuduglegur að fara í bíó síðustu vikunar, enda þarf maður að vinna upp eftir að hafa ekki sinnt þeirri menningu í þrjá mánuði. Hef séð Night at the museum, Mr. Bean´s holiday og Ghostrider. Ágætismyndir þó ég stefni á að sjá eitthvað menningarlegra um næstu helgi.
Night at the museum kom mér smá á óvart, meira varið í hana en ég hafði spáð.
Mr. Bean er bara skilda að sjá, en hafði ekki hugsað út í hve óhemju óblindrahentug hún er :Þ
Ghostrider var cool þó lagið yfir kreditlistanum hafi staðið uppúr...

Á einum mánuði hef ég tvisvar hitt einhvern sem ég þekki fyrir tilviljun, vá þetta er þá ekki "stærra" place en það. Reyndar bæði á Metro/lestar stöðvum.
Talandi um þær, ég lenti í því í sömu vikunni að ókunnugir tóku sig á tal við mig þegar ég var að bíða einhverstaðar. Finnar! eiga þeir ekki að vera svo ómálglaðir? því það var heldur ekkert verið með neitt small talk, nei nei heldur fékk maður lífbaráttusögur..
Annar var í hjólastól og spurði fyrst hvort hann gæti aðstoðað mig "við fatlaðir verða að standa saman" ræða fylgdi í kjölfarið. Svo tjáði hann mér að hann ætti sko blindan vin. (þögn) og þeir hefðu fengið fötlun sína sama kvöldið, "kaldhæðni" (þögn) "ég var að keyra hann á sjúkrahúsið þegar slysið varð" (þögn) "eina skiptið sem ég hef keyrt ölvaður" (þögn) "ég var að útskrifast af spítala í morgun" (Hjalti: "aha") (þögn) "ég er að bíða eftir mömmu og pabba til að fara í apótek" (löng þögn) "ó þar koma þau... gaman að kynnast þér"
JESÚS!!! - svo gengur ekkert á Finna að segja hmm, aha, okey með tón sem ætti að segja flestum íslendingum að halda kjafti. En hér eru þetta venjuleg svör í samræðum... sem kemur mér mjög oft úr jafnvægi btw.
Hinn gaurinn hitti ég eldsnemma morguns á lestarstöð og hann fór að tjá mér að hann ynni við byggingarvinnu og hefði slasast daginn áður, væri á leið á spítala þar sem systir hann ynni. Hefði tekið leigubíl frá Rihimäki en hafði talið fljótlegra að skipta yfir í lest á þessum stað.
Skemmtilegar samræður við samlanda mína hérna?

Asíuferð frestað, nýtt sumarprógram óskast. Held samt ég geri eitthvað fátt og eyði í sparnað (hehe).
Jæja best að rumpa þessari þýðingu af....
Góða heilsu og fögnuð óska ég ykkur öllum!

4 Comments:

At 4:56 ip., Anonymous Anonyymi said...

Nýtt sumarplan: Fara í sauna, baða þig í vötnum Finnlands og klífa með mér Esjutind!

Annars hélt ég að Finnar væru meira í því að skapa vandræðalegar þagnir heldur en vandræðalegar samræður !?

 
At 10:00 ip., Anonymous Anonyymi said...

af hverju var asíuferðinni frestað? :O
Heyrðu...ef þú finnur the sumarplanið þá máttu láta mig vita því að ég er í sömu vandræðum!!

 
At 11:23 ap., Anonymous Anonyymi said...

Elsku hjartans dúllíus minn, ekki keyra í kaf samt í ungmennaskiptaverkefnum og þessháttar!!! styð hugmyndirnar með saunaferðir og böð í þúsundvatnalandinu. þín Solveig

 
At 11:13 ap., Blogger Hjalti said...

Bryndís: Hell yeah Esjan, já það er samt mikið um vandræðalegar þagnir, ég fer alltaf að tala enþá meira:P
Kristrún: Koma til Finnlands;) Annarrs heyrist mér á blogginu þínu að þú hafir meira á prjónunum en ég!
Solla: hehe, neii svo vitlaus er ég ekki, en veistu hvað mér finnst ég tilgangslaus núna!

Svo það er bara kominn hópþrýstingur á Sauna og böð í hrollköldum vötnum, jeemin!

 

Lähetä kommentti

<< Home