7 mánuðir! - 22 dagar...

Meira en mánuð frá síðasta almennilega bloggi, en ekki eins og það sé mikið til að missa af! En þar sem ég er í svo miklu stuði núna á þessum sólríka vorveðurs sunnudegi ætla er tilvalið að hanga inni að blogga. Nei reyndar fékk mér langan göngutúr í morgun! Allir úti, eins og allt hafi lifnað við í þessu landi minna drauma og þrár þegar sjórinn þyðnaði og sólinn snúin aftur úr fríi.

Fyrstu vikunar í febrúar voru eitthvað ótrúlega lengi að líða, ekki var það verkefnaskortur og leiðindi... kannski það var bara yfir tveggja tuga tölur í mínus frost og snjórinn sem höfðu þessi áhrif.
En síðar brast skíðafríið á og stuðið í mánuðinum byrjaði fyrir alvöru. En þá kíktum við Kaisu í heimsókn til Salómear í kongsins Kööpenhamina. Frábær gestgjafi, yndisleg borg og góð ferð í allastaði. Fórum á kínverska nýjárstónleika þar, ekkert smá kúl tónlist!!, og við urðum að standa upp fyrir krónprinsessuni hehehe... Salóme gaf okkur túr um hverfið sitt þar sem komið var við hjá Ungdomshuset, svo fyrst ég hafði verið þar gaf ég leyfi til að fjarlægja það (oo svo gaman að láta eins og heimurinn snúist í hring um mann!(er með Silja Nótt persónuleika)). Það túrastalegasta var að fara á tvö söfn. Annað var danska þjóðminjasafnið, en þar fyrir utan lentum við í "öskudagsgöngu" skrúðgöngu og hitt erótískt safn... jámm við erum ekki söm á eftir og ég mun aldrei geta talað eða hlustað á dani og ýmsar dýrategundir í sömu setningu. Jebb og ýmislegt fleira brallað en þetta er nóg....

Þegar við snérum til baka til lands vetrarins hafði kólnað heldur betur, niður í -17°c og skyndiákvörðun um ferð í IKEA í Vantaa svo ílla klæddur borgaði ég með flensu sem ég er í rauninni ný losnaður við endanlega, en allavega eyddi restinni af fríinu innan dyra.

En, en svo gerðist það, eftir hálfs árs biðlistalegu, ég fékk úthlutað íbúð hérna í landi ódýrs húsnæðis. 41 fm íbúð á stúdentagörðum hér í Espoo. Í hverfi sem gæti útlagst á íslensku sem Fuglahætta, hehe smá orðaleikur í gangi en allavega Fugla-eitthvað. Afhend 2. apríl, 22 dagar þangað til.. get ekki beðið.
Og allt mitt dót og líf sem hefur verið í kössum í sveitinni síðan maí 2005 verður sent innan skamms með skipi hingað til borgar höfuðstöðva Nokia.
Loksins mun ég eignast stað sem ég get kallað 'heima' aftur, þessari nærri tveggja ára heimilsleysi lokið, og hvað ég mun ekki sakna kústaskápa og rottuholna!
Svo þessar góðu fréttir ásamt slata af dóti sem ég gekk frá í mániðnum ég virðist hafa loksins lokið öllu sem þarf svo ég geti búið hamingjusamur í ævintýralandinu.

Síðustu helgi dró Stina mig á tónleika í Tampere með hljómsveitini, The Crash... asni hresst band and enþá hressara að tékka á háskóladjamminu;) Daginn eftir fór ég á árshátíð, var samt aðallega að aðstoða þar.

Langt blogg maður, ef einhver hefur lesið þetta altt biðst ég afsökunar á leiðnlegum texta. En ég las bloggið hennar Önnu Guðrúnar um daginn og leiddi hugan að því hve langt er síðan ég flutti, og í dag eru sjö mánuðir síðan ég lokaði fjögra ára kafla sem ég er svo sáttur við að hafa lokið og flutti til Finnlands, vááá!!!

P.S. Til að fyrirbyggja frekkari misskilning var ég að leita að vinnu og húsnæði fyrir finnska stelpu. Er að reyna bæta fyrir að vilja ekki búa á Íslandi með að reyna að styðja þá rugludala sem það vilja.