Minä menen junalla Jyväskylästä Helsingiin!

Þarf ég að fara að ljúga um þjóðerni mitt? Samkvæmt því sem ég hef heyrt úr fleiri en einni átt er útrás íslendinga með tilheyrandi eignarhaldi á finnskum fyrirtækjum orðinn óvinsæl hjá hópi fólks. Fólki er sama þó íslendingar kaupi skrifstofuvöru fyrirtæki, litla banka, tryggingarfélög og Pizza Hut en að FL group eigi 25% í Finnair og hafi troðið Sigurði Helgasyni nokkrum í stjórn þess félags hefur víst farið fyrir brjóstið á þessum einstaklingum.
En það var mikið fréttaefni þær deilur sem Finnska ríkið og FL group áttu þegar ríkið neitaði Hannesi Smárasyni um stjórnarsetu.
Haldiði að þau kaupi það að ég sé frá Perú?

Annarrs er bara stemmari í austrinu hjá mér. Þar síðustu helgi var ég að vinna í Karjaa við að undirbúa sumarbúðir og um nýliðna helgi heimsóki ég vinkonu sem býr í Jyväskylä.
Svo er vika í að ég fái lyklana af kofanum í skóginum... eða það er ágætis lýsing á stúdentagarðinum sem ég flytt á.

Í Karjaa vorum við að undirbúa Evrópskar tónlistarbúðir, 'Lets get musical'. En ég er kominn með þau verkefni að kenna tónheyrn, kór, líkamsrækt, tónsmíðar og stage performance. Úps! Hvað veit ég um helminginn af þessu! Ef einhver hefur góðar hugmyndir fyrir þetta eru þær velkomnar, þetta mun svosem ekki rista djúpt í efnið.
Er að pæla í söngleikjaþema fyrir kórinn! Ef þið vitið um ensk lög sem eru til eða myndu hljóma cool í kórútgáfu endilega látið mig vita. (Þetta endar allt með tónleikum btw)
Og á einhver / Kann einhver upphitunarstef?! Ég kunni það nú einu sinni en það er komið í einhverja klessu hjá mér!
En súper dagskrá og lítur út fyrir að verða skemmtilegir dagar. Fyrir utan löndin sem ég var búinn að tjá mig um að myndu taka þátt (Finnland, Ísland, Eistland, Pólland, Ítalía og Þýskaland) hafa Lettland bæst við ásamt einstaklingum frá Sviss, Englandi og Írlandi.

Jyväskylä var æði, skemmtileg borg og gestristnustu gestgjafar sem ég hef hitt! Komst samt að því að ég er mjööögg óheppinn í spilum! Á maður þá ekki að vera heppinn í ákveðnu öðru? Svindl að vera óheppinn í báðu!
Veðrið var líka ótrúlegt (og þessi borg er svipað norðanlega og Reykjavík) 10 stiga hiti og yfir tuttugu í forsælu! Áttum grillmat út í garði á sunnudeginum! í mars! Þetta er ekki hægt!
Og ég fór á ströndina, hahaha.
Vitið hvað... nágranar vinkonu minnar labba niður á strönd á morgnana í inniskóm og slopp... og fá sér sundsprett, um miðjan vetur!!!! Og meira, það er totally normal!

Og ekki allt búið enn, á páskum borða finnar (með bestu lyst) eftirrétt sem minnir mjög á brauðsúpu (lykt, bragð og útlit) en smakkast betur, sérstaklega þar sem það er borið fram með vanillusósu eða rjóma. Kallast þessi sérstaki hátíðarmatur mämmi. Og þegar búið var að láta mig smakka þetta um helgina.. þá fyrst var mér sagt að þetta ylli langri klósetsetu hjá mörgum. En ég slapp (hef á tilfinningunni að ykkur sé alveg sama um þær upplýsingar, en þið þurfið þá ekki að velta því fyrir ykkur!)

Svo get ég líka verið eins og Anna Guðrún og Kristrún...;) Ég fór og verslaði föt í síðstu viku sko!
Keypti tvær peysur og bol í Seppälä.
Ok.. varð bara að segja þetta til að koma nafninu á framfæri. En þetta er sko THE fatabúð sko!

Hjólastólahokkí úrslitamót næstu helgi, svo er hef ég ekkert að gera í apríl :( Verð að kippa því í liðinn! Njótiði vorsins (ef það er komið), stuð af eilífu!